það rættist úr vikunni sem leið!

Vikan sem leið var góð þegar upp var staðið, þótt hún hafi byrjað með höfuðverk og hita ... Ég náði að vinna í ljóðunum mínum og lesa upp dágóðar bunur áður en hún var öll. Elskulegu Íslendingarnir sem sjá um útvarpssendingar á sunnudögum sáu um upptökuna, þ.e. hann Júlli; Steini til stuðnings með nærveru sinni og Ingvar í fjarveru sinni ...

Á laugardaginn var dansaði ég á Los Tardecitas.
Það var langþráð og gott. Fullt af fólki, góðum straumum og dansi. Hitti tangóvini sem ég hafði ekki séð í meira en mánuð: Riku, Johan og Charlotte o.fl. Þau lofuðu að hafa samband og líta við á spítalanum við tækifæri!

Og nú er ég komin með mánuðarforða af lúpínuseyði ofanaf Íslandi til að styrkja mig á. Þökk veri frábærum vinkonum sem selfluttu seyðið.

Ég tek strætó á Sahlgrenska eftir fimm mínútur og verð þar næstu átta daga. Kannski get ég þá farið í göngutúra í Botaniska með lyfjabauk á maganum!